Calendario de siembra en Asturias

Calendariu de llantadera n'Asturies.

Los datos de la tabla son emponedores, por cuenta de la diferencia ente variedaes.

Laurel

El lloréu (Laurus nobilis) ye un parrotal o árbol perenne perteneciente a la familia de les laurácees, a la que da nome.

Ye un árbol dioicu, perennifoliu de 5-10 m d'altor, de tueru rectu cola corteza gris y la copa trupa, oscura, con fueyes azulaes, alternes, llanceolaes o oblongo-llanceolaes, de consistencia daqué coriácea, arumoses, col cantu n'ocasiones daqué onduláu. Tienen ápice agudu y base atenuada. Miden unos 3-9 cm de llargor y tienen curtiu'l peciolu. El fexe ye de color verde oscuru polencu, ente que'l viesu ye más pálidu. Les flores tán dispuestes en umbeles sésiles de 4-6 flores amarellentaes de 4 pétalos qu'apaecen en marzu-abril.

Puede arrobinase por granes (espardimientu sexual) y por fraes (espardimientu agámicu, asexual, tamién llamau multiplicación), tantu de raigañu como de tarmu (estaques). L'espardimientu sexual por granes ye daqué lentu pero ye la forma más corriente. La grana tien de recoyer en zones onde esistan pies de los dos sexos.

Ye un tipu de planta que sirve pa condimentar los platos y que tien numberoses propiedaes.

Dos de los sos componentes, el cineol y el eugenol, son los que-y otorguen al lloréu la so propiedá principal: facilitar les dixestiones, según prevenir l'acidez y amenorgar los gases presentes nel conductu dixestivu y que tantes molesties causen.

Estos mesmos principios activos tamién tienen la propiedá d'ameyorar y aguiyar el mambís polo que, en ciertos tratamientos de fitoterapia destinaos a persones que precisen ganar pesu, encamiéntense los fervinchos de laurel antes de les comíes principales.

Amás d'esto, el lloréu tien efectos bactericidas, antisépticos, expectorantes y antiinflamatorios polo que ta encamentáu pa les afecciones del aparatu respiratoriu como, por casu, gripe, farinxitis o bronquitis.

Albahaca

L'albahaca, ocimum basilicum, ye una yerba añal, cultivada como perenne en climes tropicales, de crecedera baxa (ente 30 y 130 cm), con fueyes opuestes d'un verde polencu, ovales, dentaes y de testura sedosa, que miden de 3 a 11 cm de llargor por 1 a 6 cm d'anchor.
Esta planta ye bien sensible a les xelaes. Cultivase por granes y por fraes, que pueden semase en pebidales o tiestos nun invernaderu a principios o mediaos de la primavera. Rique una posición soleyera, anque en climes de branos bien calorosos estima daqué de solombra y suelos fértiles, permeables y húmedos.

L'albahaca foi considerada por delles cultures como una planta de poderes qu'estornen los malos espíritos y atrai lo positivo. Ello ye que l'albahaca, como cualquier otra planta arumosa, suelse llantar cerca d'otros vexetales, yá que el so arume va axorizar a los insectos que puedan ataca-yos.

Esta yerba utilízase xeneralmente como condimentu n'ensalaes, vinagretes y platos de pasta con tomate. Ello ye que ye n'Italia onde más se consume. Ye importante utilizala fresca, porque si nun pierde'l so arume, que ye fuerte, y hai qu'usala en pequenes cantidaes.

Hinojo

El fenoyu (Foeniculum vulgare) ye la única especie del xéneru Foeniculum.  Atópase distribuyida peles zones templaes de tou el mundu.

La planta ye herbal, de porte erectu, y puede algamar los dos metros d'altor. Les fueyes, de color verde intensu, son llargues y delgaes, acabando en segmentos con forma d'aguya, que s'endurecen exteriormente nel branu pa evitar la perda d'agua. La inflorescencia ye una umbela de pedúnculos llargos y les flores tán entamaes en umbelules terminales, de diez a cuarenta florines, dafechu marielles doraes, sobre pedúnculos curtios nel apex de los radios primarios. 

El fenoyu ye un bon recursu natural pa facilitar la evacuación y combatir l'estriñimientu.

Favorez la emisión d'orina y por tantu aconséyase a persones con enclín a la obesidá por retención de líquidos.

Amás, purifica les víes urinaries, impulsando la eliminación de toxines y evitando l'apaición d'infecciones, como cistitis, uretritis o oliguria.

El fenoyu ye un aliáu de la embarazada pola so eficacia pa estenar les estomagaes y el maréu mientres la xestación, y de la madre lactante, al aumentar la producción de lleche.

Ye una poderosa planta melecinal que destaca pola so fuerza pa permediar les funciones del sistema dixestivu, combate con ésitu los trestornos estomacales y les indisposiciones tres una mala dixestión, amenorga la hinchadura y evita les flatulencies. 

Melisa

La melisa, o melissa officinalis, ye una yerba perenne, hemicriptófita, colos tarmos herbales rastreros, llixeramente llignificaos na base, de sección cuadrangular y hasta casi 1 m d'altor. Presenta fueyes opuestes, claramente peciolaes, d'hasta 9 x 7 cm, col llimbu ováu y el marxe dentáu, de color verde intensu, cola superficie pilosa.

Gústen-y los suelos arenosos, bien drenaos, y nun ye esixente en materia de sol. Salvu en climes templaos, pierde la ramasca pel hibiernu, volviendo brotar a empiezos de primavera.

Ye una planta melecinal relaxante y tonificante al empar del sistema nerviosu, que s'usa pa tratar l'ansiedá, la depresión, la tensión nerviosa y los malestares dixestivos que xeneren.

Puede preparase en fervinchu o faer unguentos con ella.

Capuchina

La capuchina, o tropaeolum majus, ye una planta añal, lampiña, ensundiosa y estendida. Esisten numberoses variedaes con flores coloraes, anaranxaes o marielles. La mota tien cinco sépalos y la corola cinco pétalos desiguales. 

Tien les fueyes suborbiculares, qu'algamen un tamañu de 3–10 cm de diámetru, glabres, enteres o colos marxes undulaos.

Contién propiedaes antiosidantes, cardiotóniques, aperitives, diurétiques, expectorantes, balsámiques y antimicrobianes. Amás, ente los sos principios activos más importantes podemos mentar sobremanera la presencia de vitamina C, sustances antibacterianes, flavonoides (qu'atopamos nes sos fueyes), carotenoides (qu'atopamos nes sos flores) y glucosinolatos.

Puede amenorgar el colesterol malu y favorez la crecedera del pelu. Les flores y les fueyes de la capuchina son comestibles, pero desaconséyase comer les granes yá que tienen componentes tóxicos. N'ensalaes supon amás un elementu decorativu faciendo más curioses les ensalaes según otros platos qu'acompañe y el so sabor recuerda al de la rúcula o al de los berros.

Damiana

Damiana, tamién conocía como turnera diffusa, ye un parrotal de 0,3 a 2 m d'altor, bien ramificáu, y los sos tarmos son llixeramente acolorataos; fueyes simples, pequenes y engurriaes, alternes, arumoses, oblongues o rómbicu-ovaes, de 1 a 2 cm de llargu.

Esta planta apurre enerxía al cuerpu, polo que s'utiliza en casos d'escosamientu o depresión. Amás, ayuda a caltener en bon estáu l'aparatu urinariu, polo que s'utiliza en casos de cistitis, problemes renales y piedres nos reñones. Tamién s'utiliza pa la tos, la bronquitis y los resfriaos. Favorez les relaciones sexuales gracies a la so propiedá afrodisíaca, trata dellos desordes rellacionaos cola menstruación, y los desequilibrios hormonales que pueden apaecer cola menopausia.

Diente de león

El diente de lleón (Taraxacum officinale), tamién conocíu como achicoria amargosa o mexa cames, ye una especie de la familia de les asterácees.

Esta planta perenne con raigañu primariu  y roseta basal, suel algamar 40 cm d'altor. Tien fueyes alternes llanceolaes con una nervadura central, ensin peciolu estremáu, pinnatipartides con lóbulos en forma triangular de marxes dentaos y agudos, dacuando presenta microvellosidaes.

Ye una planta depurativa, indicada pa purificar l'organismu d'elementos tóxicos. Puede actuar nel fégadu, reñón y la visícula biliar, y col so efectu diuréticu evita l'apaición de piedres nel reñón. Tamién ye un tónicu dixestivu contra l'estriñimientu y la matinada d'alcohol.

Milenrama

La milenrama​, achillea millefolium, ye una especie herbal perteneciente a la familia de les Compuestes (Asteraceae).

Tarmos pilosos, acanalaos, erectos. Les flores cimeres miden hasta 15 cm, pinnades de 2 a 3 vegaes y con contornu xeneral  llanceoláu. Del so rizoma pueden salir unu o dellos tarmos erectos qu'escasamente se ramifiquen.

Una yerba que foi bien apreciada na medicina popular por ser bien útil pa problemes del aparatu respiratoriu, ameyorar la circulación de la sangre, la gastritis, los síntomes de la menopausia y los dolores menstruales gracies a les sos propiedaes melecinales.

Aplicando'l fervinchu de la planta o'l zusmiu de la planta fresca de forma local podemos usala pa llimpiar feríes, quemadures o hemorroides

Eneldo

L'eneldu (Anethum graveolens) ye una planta herbal añal perteneciente a la familia de les umbelíferes.

Ye arumosa, mide de 30 a 45 cm, y escepcionalmente llega a más d'un metro d'altor. El tarmu ye verde, fistulosu - pero con abondosu migollu blancu - y con fines estríes verdes y blanques.

N'Europa ye habitual l'usu del eneldu en tolos guisos de pexe y mariscos. Tamién puede tomase en fervinchos o tisanes. Les granes y les cañes  tienen propiedaes diurétiques, carminatives, antiséptiques, dixestives y sedantes.

Amapola de California

Amapola de California, o Eschscholzia californica, ye una especie de papaverácea, perteneciente a la subfamilia Eschscholzioideae orixinaria de California (EE.XX.) y Baxa California (México), y naturalizada en delles partes del mundu.

Planta viviega, añal o perenne, erecta y de un altor d'ente 30 y 60 cm. Les fueyes son pinnatisectes o pinnatipartides. Les sos flores son grandes y solitaries con cuatro pétalos mariellos o anaranxaos, con llurdiu oscuru na base, y los sos sépalos tán soldaos formando un capiellu. El frutu ye una cápsula d'ente 7 y 10 cm recta y glabra, con granes globuloses, reticulaes o puntiaes.

L'amapola de California ye utilizada como ansiolíticu natural gracies a les sos propiedaes sedantes y antiespasmódiques, polo que s'emplega tantu pa solliviar trestornos del suañu como síntomes d'estaos d'ansiedá. La parte que s'utiliza con fines melecinales ye l'aérea.

Ortiga

La ortiga (del llatín 'urtica') ye'l nome común de les plantes del xéneru urtica, de la familia de les urticácees, toes elles caracterizaes por tener unos pelos urticantes que lliberen una sustanza áceda que produz resquemor ya inflamación na piel. Ye una planta arbustiva perenne, dioica, d'aspeutu toscu y que puede algamar hasta 1,5 m d'altor. Ye una de les "meruxes" más habituales.

La ortiga ye una planta con acción depurativa qu'ameyora afecciones como la gota o ácidu úricu altu y les infecciones de les víes urinaries como la cistitis o la uretritis.
Si tienes problemes de cansanciu y aballa, prueba a tomar regularmente la ortiga mientres los periodos de mayor gastadura. Tien efectu tonificante y amás añedir el so valor nutricional en lo que se refier a los sos minerales. Ye una planta escelente pa tomar en periodos de convalecencia y recuperación física y mental.
L'acción antiinflamatoria de la ortiga puede ser bien beneficiosa p'ameyorar ensame de dolencies como por casu artritis, prostatitis, hemorroides, inflamaciones osteoarticulares o farinxitis.

La ortiga ufierta amás acción analxésica, diurética, antihemorrágica, antiosidante y antianémica. Ye una de les plantes con mas propiedaes melecinales qu'esisten. 

Les fueyes fresques de la ortiga les puedes añedir a les tos ensalaes o a otros platos cocinaos. Solu tienes que cocinala igual que faes coles acelgues, les espinaques, etc. Pero la meyor manera de caltener les sos propiedaes  ye tomala cruda, ensin cocinar.

Consuelda

La consuelda, o Symphytum officinale ye una especie de planta perenne perteneciente al xéneru Symphytum.

La planta ye resistente y puede crecer hasta un altor de 1 m. Flores péndules y rosades, fueyes grandes y brilloses.

La Consuelda debe'l so poder melecinal a componentes como la alantoína (nel raigañu), ye rica en proteínes vexetales, tanines, siliciu, alantoínes, mucílagos, inulina, porigolol, aceites esenciales, resines, xermaniu (un poderosu anticancerígeno) y asparagina.

Por cuenta de estos compuestos la consuelda ye cicatrizante, desintoxicante, hipotensora, emoliente, astringente y rexeneradora. P'aprovechar les sos propiedaes melecinales, utilícense los raigaños y les fueyes.

Ruda

La ruda (Ruta) ye un xéneru de subarbustos siempre verdes fuertemente arumaos de 20-60 cm d'altor. 

Fueyes bipinnades o tripinnades, con una apariencia correosa, de verde a fuertemente azul verdosu glaucu. Flores marielles, con 4-5 pétalos, de cerca de 1 cm de diámetru, y en visos. Frutu lobuláu, cápsula con numberoses granes.

El consumu de la ruda puede causar tosicidá, por eso ye recomendable'l so consumu baxu la supervisión d'un profesional de la salú que pueda dosificar el so consumu en base a les necesidaes particulares de cada persona.

Los químicos de la ruda pueden aguiyar músculos del úteru, que pueden empecipiar un periodu menstrual, actuando como axente contraceptivu, y promoviendo l'albuertu. Tamién contien químicos que pueden baxar la fertilidá y bloquiar l'implante d'un güevu fertilizáu.

Amenorga los tiemblos gastrointestinales, acelera la recuperación d'esguinces, luxaciones y torciones, regula la menstruación y faila menos doliosa, utilizase pa casos d'epilepsia y ayuda a esaniciar los parásitos intestinales

Verbena

Verbena ye un xéneru de plantes herbales o semileñoses, añales o perenne, con cerca de 250 especies.

Tien tarmos erectos o postraos, xeneralmente cuadrangulares, delles vegaes teretes, glabros o con dellos tipos de pelosidad, delles vegaes glandulares. Fueyes opuestes, frecuentemente decusades, escasamente verticilades, simples, dentaes, serruchaes, llobaes o incises, escasamente enteres. Inflorescencies terminales o terminales y axilares.

La verbena ye una planta que s'utiliza de delles maneres en fervinchu y en polvu. Ayuda a la tensión nerviosa, sollivia los dolores de cabeza y favorez l'absorción de los alimentos. Ye utilizada tamién nes contracciones del partu y aumenta la producción de lleche materna.

Cilantro

El cilantru, o coriandrum sativum, ye una yerba añal de la familia de les apiácees (antes llamaes umbelíferes). Algama unos 40 o 60 cm d'altor. Tien tarmos erectos, fueyes compuestes, flores blanques y frutos arumosos. Ye d'usu común na cocina mediterránea, India, Llatinoamericana, China y del Sudeste Asiáticu. 

Toles partes de la planta son comestibles, pero xeneralmente úsense les fueyes fresques y les granes seques.

Los frutos del cilantru despiden un arume cítricu cuando se muelen o entartallen. Úsanse pa condimentar y son indispensables na cocina india, en preparaciones como'l curry. La esencia o aceite esencial de cilantru úsase como aromatizante de llicores y bébores dixestives y en perfumería, y en herbología utilizase poles sos propiedaes estimulantes, antiespasmódiques y estomacales.

Physalis

Ye un xéneru de plantes de la familia de les solanácees, nativu de les rexones templaes y subtropicales de tou el mundu.

caracterizase pol so frutu anaranxáu, amarellentáu y pequeñu, similar en tamañu, forma y estructura a un tomate, pero envueltu en parte o dafechu por un pulgu grande.

El Physalis purifica la sangre, polos sos escelente antiosidantes y ayuda al bon funcionamientu del sistema inmunolóxicu, tonifica el nerviu ópticu y ye eficaz nel tratamientu de tabayones. Amás emplégase contra los parásitos intestinales, y gracies a les sos propiedaes diurétiques, favorez el tratamientu de les persones con problemas de próstata. Tamién ye utilizada como tranquilizante natural pol so conteníu de flavonoides. 

Considerase una fruta exótica y tien un altu conteníu en pectina que la faen ideal pa mermelaes y mueyos.

Passiflora

Les pasionaries son enredaderes de munchos metros d'altor, o bien plantes erectas, semierectes y semirrastreres, siendo nesti últimu casu menores d'un metro d'altor. Pueden ser glabres a densamente pubescentes, con tricomas simples, raramente glandulares. Presenten rizomas d'igual o mayor diámetru que los tarmos aéreos. Los tarmos son teretes a angulosos, en dellos casos el tarmu tien llámines de distinta magnitú.

La popularidá de la flor de la pasión básase mayormente nes sos propiedaes ansiolítiques y relaxantes, pero tamién tien beneficios pal cuidu de la piel estropiada, les males dixestiones y puede apurrir otres bondaes pa la salú.

Hibisco sabdariffa

Ye un hibiscu de la familia de les malvácees, orixinariu d'África Tropical, dende Exiptu y Sudán hasta Senegal, anque, por cuenta de les sos propiedaes melecinales o al so sabor en fervinchu, cultivase'n tol mundu.

Ye una planta añal que puede algamar de 1 a 3 metros d'altor. Reproduzse por autofecundación. La so flor ye colorada, de 4 a 5 cm de llargu, formada por cinco pétalos y tien forma cónica, asemeyando una pequena amapola. 

Atribúyense-y propiedaes diurétiques, antihipertensives, antiparasitaries y llixeramente laxantes. La flor tien un eleváu conteníu d'ácidos orgánicos, ente ellos cítricu, málicu y tartáricu.​ El fervinchu de la flor de Xamaica, qu'asina ye como se conoz esti hibiscus, ye colorau por cuenta del so conteníu de antocianines.

Echinacea

Son plantes herbales, perennes y tolerantes a la seca que miden 1 o 2 m d'altor. Les fueyes son de llanceolaes a elíptiques, de 10 a 20 centímetros de llargu y 1,5-10cm d'anchu. Como ye característicu de tola familia de les Asterácees, les flores formen una inflorescencia compuesta por flores púrpures (raramente marielles o blanques) dispuestes en forma de cabezueles cóniques.

Esta planta dizse que ye la mas prescrita por una de les sos propiedaes que dexa tener una acción antimicrobiana contra bacteries, hongos y virus. Atopase'n dellos territorios d'Estaos Xuníos y México, onde crez n'enllanaes, praderíes y llombes seques. Cultívase como planta ornamental pol so peculiar color o por cuenta de les sos propiedaes farmacolóxiques.

Aciano

Ye una planta herbal añal, escasamente biañal, de raigañu axial, que llega a midir un metro d'altor. Tien tarmos recios y ramificaos na parte cimera, non alaos, daqué angulares y cubiertos de vellosidá lanuginosa. Les fueyes, tamién algodonoses, les basales más o menos arosatades, con o ensin lóbulos agudos, son lineares y con nerviación llonxitudinal y tán dispuestes de forma alterna nel tarmu.

Siempres s'utilizó popularmente como antibacterial, fungicida, pectoral, estimulante, tónicu, diuréticu, antisépticu, antipiréticu y antiinflamatoriu. Anguaño suel utilizase como un corrector organolépticu (axente colorante) y marcador de tisanes.

L'agua de aciano, llograda pola decocción de les sos flores, utilizase pol so notable efectu anti inflamatoriu, aplicada sobre los güeyos. Les llavadures oculares con esti agua ameyoren conducentemente los picores y l'irritación de los güeyos. Tamién dan un aspeutu frescu y espurríu nos párpagos cargaos y sirve pa fortalecer, esclariar y caltener la vista.

Celidonia

La celidonia o cirigüeña ye una planta herbal perenne con rizoma carnosu del que salen dellos tarmos aéreos d'hasta 80 cm d'altor, bien ramificaos y fráxiles. Les fueyes, bien estremaes, de 30 cm de llargu, son alternes, pinnatisectes, con trés a cinco lóbulos irregularmente crenaos, pinnatífidos y obtusos, glaucos pol viesu y con numberosos pelos.
Les flores apaecen n'inflorescencies umbeliformes terminales, dende mayu hasta ochobre.

El so zusmiu ye cáusticu y utilízase n'usu esternu p'ayudar a cerrar feríes y contra verrugues, dureces y tumores.

Árnica

Les especies del xéneru Árnica tienen un escape floral llargu (50-100 cm) y erectu, xeneralmente ensin ramificar o pocu ramificáu. Tienen les fueyes velludas y opuestes, peciolaes o sésiles. Estes son de forma bien variable: ovalaes, cordiformes, deltoides, elíptiques, llanceolaes o llineales; los cantos son enteros o denticulaos, raramente llixeramente lobulaos. Les cares son glabres, arispies, hispídules, peludes, tomentoses o lanudes. Amás, esiste de cutiu una roseta basal. Desenvuelven un capítulu grande, con respectu al restu de la planta, de color mariellu o naranxa. Acerar les sos flores n'aceite d'oliva ye un remediu pa munches persones del campu contra los golpes con hematoma o torción.

Aloe vera

Parrotal acaule o con tarmu curtiu cubiertu de fueyes, estoloníferu, con tarmu de hasta 30 cm, erectu, ensin rebrotes llaterales. Les fueyes miden 40-50 por 5-8 cm y son densamente arrexuntaes en una roseta basal d'hasta 20 fueyes; son estrechamente triangular-llanceolaes, canaliculades, rectes, erecto-patentes, herbales, de un verde abuxáu, glauques, ensin llurdios —sacante unos llixos claros nos renuevos nuevos—, dentaes solu en el marxe, con dientes de unos 2 mm, gruesos, duros, retrorsos, de un color más claru que el del llimbu. La inflorescencia, incluyíu el pedúnculu, tien unos 70-100 cm d'altu, en recímanu de 30-50 por 5-6 cm, simple, densa en la antesis y en la fructificación.

Gústen-y los arenales y roquedos costeros, alteriaos y nitrificaos dende'l nivel del mar hasta 200 m d'altitú.​ Probablemente orixinaria de Arabia y naturalizada en rexones subtropicales y templaes d'ambos hemisferios, tamién incluyíu el Mediterráneu. Cultívase como planta decorativa, pa usos melecinales, en cosmética y pa l'alimentación en dellos países.

Menta

Son plantes herbales perennes y arumoses qu'algamen un altor máximu de 120 cm aprosimao. Tienen unos rizomas soterraños que faen que de cutiu se porten como especies qu'invaden tol espaciu. Les fueyes son de disposición opuesta, simples y de forma oblonga a llanceolada, de cutiu, tienen el marxe dentáu. Les flores tienen dos llabios y cuatro lóbulos con colores que van del blancu al púrpura. 
El frutu ye una cápsula con hasta cuatro semientes.

Pertenecen a la familia de les Lamiaceae (lamiáceas o llabiaes), que s'estrema en distintes especies​ y híbridos, ente los que figura la variedá hierbabuena (Mentha spicata).

Inclúyense ente les yerbes arumoses de mayor espardimientu y ye apreciada pol so característicu arume refrescante. Ye utilizada en gastronomía, según n'otros usos como'l farmacéuticu.

Valeriana

Ye una planta perenne bien variable col tarmu simple qu'algama los 20-120 cm d'altor. Los rizomas son ovoides o cilíndricos de 3-5 cm, color gris-amarellentáu, cubiertos por munchos raigaños de pequenu diámetru, casi cilíndriques y del mesmu color qu'el rizoma. Les fueyes son pinnades con foliolos dentaos. Les flores son pequenes de color rosa maciu, surden nun trupu corimbu terminal en primavera y branu. Ye unu de los grandes fármacos pa permediar el sistema nerviosu. Úsase enforma como sedante, ansiolíticu, y calmante nel histerismu, manifestaciones neurasténiques (velea, neurosis, calambres abdominales (cólicos), hiperexcitabilidad, etc.), nes alteraciones menopáusiques y como antiespasmódicu

Artemisa

Ye una planta perennifolia herbal de 1 a 2 m  con raigaños maderizos. Les fueyes de 5 a 20 cm de llargor, verde bien oscures, pinnades, con pelos blancos nel viesu. El tarmu erectu tien un tinte coloráu purpúreu. Flores pequenes (5 mm de long.) son radialmente simétriques con munchos pétalos mariellos o coloráu oscuru. Tien numberosos y angostos capítulos (cabeces florales) L'artumisa tien tujona, que ye tóxica. Les embarazaes sobre manera, tienen d'evitar consumir artumisa. Anguaño usase pocu pola so tosicidá, pero ye recordada pol so usu culinariu, medicina herbal, y yerba pa fumar.

Manzanilla

La manzaniella, o matricaria recutita, ye una planta herbal, de tarmu cilíndricu, argutu, ramosu, d'hasta 50 cm d'altor. Presenta fueyes alternes, bipinnatisectes colos folíolos. En posición terminal presenta pel branu una inflorescencia en forma de capítulu paniculau. Les flores radiales son de unos 20 mm, cola lígula blanca, ente que los del discu son numberosos, hermafrodites; el receptáculu ye buecu y escarez d'escames, lo que dexa estremala fácilmente de la manzaniella bastarda, Anthemis arvensis. Les flores son un pocu amargoses y fragantes. El tarmu tienru y les sumidades floríes úsense secos o frescos en fervinchu. Considerase dixestiva, carminativa, sedante, tónica, vasodilatadora y antiespasmódica.

Hypérico

Les especies pueden variar de plantes herbales añales o perennes, de 5-10 cm d'altor, o parrotales y árboles d'unos 12 m d'altor. Les fueyes son opuestes, ovales simples, de 1-8 cm de llargor, o caduques o perennes. Les flores varien d'un mariellu pálidu a un mariellu intensu, con un diámetru de 0.5-6 cm, con cinco (dacuando cuatro) pétalos. El frutu de normal ye una cápsula seca con quebres pa esparder les granes pequenes y numberoses, en delles especies son paecíes a bagues carnoses.
Ye una planta bien útil pa tratar l'ansiedá, velea, el nerviosismu, la irritabilidá y la depresión leve.

Santolina

Les especies de Santolina son pequenos parrotales perennes qu'algamen 10-60 cm d'altor.
Les fueyes son simples en delles especies, o pinnades, finamente estremaes n'otres, de cutiu densamente velludas. 
Les flores son marielles, produciéndose n'inflorescencies globoses con cabeces florales de 1-2 cm de diámetru que sobresalen 10-25 cm sobre la xamasca.

Tien numberosos tarmos delgaos sobre'l que crecen fueyes de color verde buxu, estreches, llineales, estremaes, carnoses y arumoses. esprenden un intensu golor arumosu que recuerda a la manzaniella, anque daqué desagradable. 

Tomillo

El tomillu ye una planta de la familia de les llabiaes d'amplia distribución, emplegáu en condimentación y como planta melecinal. Cultivase n'Europa central y meridional. El tomillu n'estáu montés atopase´n fasteres soleyeres de suelu caliar.

Ye un subarbustu pequenu que puede algamar dende los 13 cm hasta los 40 cm. d'altor. Los tarmos son argutos, cuadrangulares, maderizos y bien ramificaos. Les fueyes son pequenes y ovales de cantos endolcaos y tomentoses pol viesu. Les flores son pequenes de color rosa y producíes en corimbos. El tomillu tien un caltriante golor arumosu. Floria en primavera.

Romero

El romeru ye un parrotal arumosu, maderizu, de fueyes perennes, bien ramificáu y dacuando achaparráu y que puede llegar a midir 2 metros d'altor. Los tarmos nuevos tán cubiertos de borra -que sume al crecer- y tarmos añosos de color acoloratáu y cola corteza arciada.

Les fueyes, pequenes y bien abondoses, presenten forma llineal. Son opuestes, sésiles, enteres, colos cantos escontra baxo y de un color verde oscuru, ente que pol viesu presenten un color ablancazáu y tán cubiertes de vellosidá. Na zona d'unión de la fueya col tarmu nacen los ramilletes floríferos.

El romeru ye una planta bien rica en principios activos y tien numberoses propiedaes melecinales, ente otres, ye antisépticu, antiespasmódicu, aromatizante, depurativu, estimulante estomacal, carminativu, colagogu –facilita la espulsión de la bilis–, diuréticu o hipotensor.

Lavanda

Son plantes arbustives, perennes de tarmos de sección cuadrangular, xeneralmente bien folioses na parte inferior, con fueyes d'estrechamente llanceolaes a anchamente elíptiques, enteres, dentaes o delles vegaes estremaes, con pelos simples, ramificaos y glandulíferos.

 La inflorescencia ye espiciforme, formada por verticilastros más o menos próximos, con frecuencia con llargos escapos. Les bráctees son distintes de les fueyes, frecuentemente coloriaes, les cimeres, dacuando, bien distintes y sobresalientes en penachu o corona. Estes plantes usanse dende antiguu como ornamentales y pal llogru d'esencies aromatizantes y condimentaries. Les más utilizaes son l'espliegu (L. angustifolia, L. latifolia) y los lavandines d'orixe híbridu.

Jengibre

El jengibre (Zingiber officinale) ye una planta de la familia de les zingiberáceas, que'l so tarmu soterrañu ye un rizoma horizontal bien apreciáu pol so arume y sabor picante. 

La planta llega a tener 90 cm d'altor, con llargues fueyes de 20 cm.

El jengibre tien orixen nos montes lluviosos tropicales del subcontinente indiu al sur d'Asia, onde les plantes de jengibre amuesen una variación xenética considerable.​ Ye una de les primeres especies esportaes d'Oriente. 
El so raigañu ye retorcidu, con una forma pocu prestosa, un sabor característicu y tamién con grandes propiedaes melecinales, siendo unu de los meyores aliaos pa caltener un sistema dixestivu saludable, y p'aselar les gripes y resfriaos.

Cola de Caballo

Les equisetácees (nome científicu Equisetaceae) son una familia monotípica (con un solu xéneru), siendo'l so xéneru viviente, Equisetum (conocíu como cola de caballu), que ye l'únicu sobreviviente hasta l'actualidá de toles equisetópsides, que tienen un estensu rexistru fósil ente'l Devónicu y el Carboníferu. 

Esta ye una de les plantes monteses más primitives, que los sos oríxenes remóntanse muncho primero que los dinosaurios reinaren el nuesu planeta. Anguaño ye una de los floritos más consumíos nel mundu, (xuntu coles bagues tibetanes del Goji) por tener munches propiedaes terapéutiques y estétiques, anque se trata d'un productu estrella principalmente poles sos propiedaes rexeneratives de los texíos celulares, polos sos efectos depurativos y de grandes efectos pa la guapura y la salú de la piel.

Cúrcuma

La cúrcuma ye una planta perenne herbal, qu'algama un altor d'hasta 1 metro. Con rizomas bien ramificaos, cilíndricos y arumoss, de colores muy llamativos. Les fueyes tán dispuestes en dos files. Dividinse en vaina de la fueya, pecíolo y llámina de la fueya.​ A partir de les vaines, fórmase un tarmu falsu.

Ta afecha a zones templáu húmedes. Puede atopase dende Polinesia y Micronesia hasta'l sudeste asiáticu. Precisa temperatures d'ente 20 y 30 °C y xuna considerable pluviosidá pa espolletar.​ Sangli, xuna ciudá nel sur de la India, ye unu de los mayores productores d'esta planta. Cultivase polos sos rizomas, que s'empleguen como especie.
Lo cúrcuma amonta la eficacia de les nueses defenses a nivel xeneral.

Kalanchoe Daigremontiana

LLamada vulgarmente arantu o espinazu del Diañu.
Esta planta tien la característica inusual de producir biltos de nueves plantes a lo llargo del marxe de les sos fueyes, que s'esprenden y emiten raigaños fácilmente al cayer al suelu. De tarmu erectu, puede algamar hasta 1 m d'altor; fueyes opuestes, carnoses, oblongo-llanceolaes que pueden algamar los 15–20 cm de llargu y unos 4-5 cm d'anchu. 

Son de color verde mediu pol fexe y con llurdios púrpura nel viesu. Los marxes en forma de cuyar, tienen unos pequenos espolones bulbíferos d'onde surden los biltos de les nueves plantes. Les plantes adultes tamién pueden desenvolver raigaños llaterales nes estructures del so tarmu principal, algamando los 10–15 cm del suelu. Les fueyes tienden a desenvolvese na parte alta del tarmu, qu'algama asina gran pesu; el tarmu principal dóblase escontra baxo y emite raigaños llaterales, produciendo finalmente, el desenvolvimientu de nuevos tarmos primarios que se van establecer como plantes independientes.

Delles especies de Kalanchoe, como esta, inxeríes internamente, o aplicaes a la zona del cuerpu afectada, combaten dende mancadures y enfermedaes celulares, cuantimás el cáncer, hasta feríes fondes y cangrenaes de difícil cicatrización

Salvia Farinacea

Ye una planta herbal con inflorescencies de color violeta-azul, coles fueyes estreches y brilloses, que la diferencia d'otres salvies que lleven fueyes aterciopelaes y opaques. 

La salvia riequier de sol total o parcial y va crecer hasta los 90 cm o más con bona tierra. Esta planta atrai les camparines.

El nome de Salvia fai referencia a la salú, yá que hai plantes d'esti xéneru que s'usen poles sos propiedaes melecinales.

Aechmea

L'hábitat natural d'esta curiosa y elegante planta atopase nel suelu de los montes tropicales. La aechmea crea una roseta de fueyes dures, cubiertes parcialmente por una pelusa ablancazada que-y confier una tonalidá abuxada. 

Les fueyes dispónense llixeramente narquiaes y del centru de la roseta, cuando la planta tien más de trés años, surde una inflorescencia de color arrosáu d'onde apaecen puntualmente les verdaderes flores, pequenes y azules, de curtia vida. La inflorescencia dura alredor de dos meses, xenerando de cutio nueves flores.

Estevia

Ye una planta de la especie Stevia rebaudiana de la cual llógrense dellos beneficios como endulzante. 
Puede emplegase la estevia n'estractos crudos (fueya de plantes criolles), asina como en presentación líquida o sólida de color oscuru, ya que al ser procesaos los estractos en llaboratoriu podemos llograr un poderosu edulcorante y sustitutu del azucre. 
El gustu de estevia tien un empiezu lentu y una duración más llarga que la del azucre, y dalgunos de los sos estractos pueden tener un retrogustu amargosu o a regaliz n'altes concentraciones.

Caléndula

Son yerbes d'escasu altor (40 o 50 cm), de tallos erectos y ramificaos dende la base formando densos matos; con fueyes llanceolaes, simples, llixeramente pubescentes, d'ente 5 y 20 cm de llargu. 
Les flores son discoidales, marielles a naranxa intensu, y bien vistoses. 

Delles especies, ente elles la llamada comúnmente botón d'oru (Calendula officinalis), tán en flor casi tol añu; el so nome científicu provien de les caliendes, el nome dáu polos llatinos al primer día del mes, por xulgase similar la frecuencia del so floriamientu

Dalgunos de los más impresionantes beneficios de la caléndula inclúin la so capacidá d'acelerar la cicatrización, protexer la salú bucal, ameyorar l'apariencia de la piel, aumentar la visión, menguar la inflamación, amenorgar el riesgu de ciertos cánceres y esaniciar los calambres.